Ikasturte honetan, gure ikastetxea Ikasleen Konpetentzia Digitala Egiaztatzeko programara (IkKD programa) batu da. Nafarroako Gobernuko Hezkuntza Departamentuak bultzatutako ekimena da, Telekomunikazioetako eta Digitalizazioko Zuzendaritza Nagusiarekin (DGTD) batera.

Ekimen honi esker, DBHko 4. Mailako eta Batxilergoko ikasleek beren trebetasun digitalak ofizialki egiaztatu ahal izango dituzte, DigComp Europako esparruari jarraituz: oinarrizko A1/A2 mailen edo tarteko B1/B2 mailen ziurtagiria lortzeko aukera izango dute.
Ikasleek konpetentzia digitalaren bost arlo nagusiak landuko dituzte: informazioa bilatzea eta kudeatzea, komunikazioa eta lankidetza, eduki digitalak sortzea, segurtasuna eta arazoak konpontzea.

Programa guztiz eskuragarria da: prestakuntza eta probak ikastetxean bertan egiten dira, eta guztiz doakoa da familia guztientzat. Aukera bikaina da ikasleek beren etorkizun akademiko eta profesionala bultzatuko duen titulu ofizial aitortua lortzeko.